नाशिक:( प्रतिनिधी ) पुण्यातील सार्वजनिक उत्सवातील वाढते ध्वनीप्रदूषण आणि डीजेच्या त्रासाविरोधात कायदेशीर लढा देणारे सुजाण नागरिक विद्यानंद बापट यांच्यावर दिवसाढवळ्या झालेल्या हल्ल्याचे राजकीय आणि सामाजिक वर्तुळात तीव्र पडसाद उमटत आहेत. राष्ट्रवादी युवक काँग्रेस नाशिक जिल्ह्याचे सरचिटणीस प्रविण जगताप यांनी ट्विट (X पोस्ट) करत या घटनेचा तीव्र शब्दांत निषेध नोंदवला आहे.प्रविण जगताप यांनी आपल्या ट्विटमध्ये म्हटले आहे की, “पुण्यात सार्वजनिक उत्सवातील ध्वनीप्रदूषण व डीजेच्या त्रासाविरोधात कायदेशीर आणि सुजाण नागरिक म्हणून भूमिका मांडणाऱ्या विद्यानंद बापट यांच्यावर दिवसाढवळ्या झालेला हल्ला अत्यंत निंदनीय आहे.”पुण्याच्या सुसंस्कृतपणाला काळिमापुण्याला सांस्कृतिक राजधानी आणि सुसंस्कृत शहर म्हणून ओळखले जाते. मात्र, केवळ वैचारिक मतभेद असल्यामुळे एका ज्येष्ठ नागरिकाला अशा प्रकारे मारहाण केली जाणे अत्यंत दुर्दैवी असल्याचे जगताप यांनी नमूद केले. “वैचारिक मतभेद मारहाणीपर्यंत पोहोचणे हे पुण्याच्या सुसंस्कृतपणाला काळिमा फासणारे आहे,” अशा कडक शब्दांत त्यांनी आपल्या भावना व्यक्त केल्या.दोषींवर त्वरित कारवाईची मागणीया भ्याड हल्ल्यामुळे सुजाण नागरिक आणि सामाजिक कार्यकर्त्यांच्या सुरक्षेचा प्रश्न निर्माण झाला आहे. या पार्श्वभूमीवर प्रविण जगताप यांनी प्रशासनाला जागे करत, “पोलिसांनी दोषींवर त्वरित कठोर कारवाई करावी!” अशी आग्रही मागणी आपल्या ट्विटच्या माध्यमातून केली आहे. या घटनेनंतर पुण्यात आणि संपूर्ण राज्यातून दोषींवर कडक कायदेशीर कारवाई करण्याची मागणी जोर धरू लागली आहे.
