लेखक, साहित्यिक, कवी,माननीय संजय मुकुंदराव निकम सर यांची लेखणी म्हणजे केवळ अक्षरांचा मेळ नसून, ती मराठी मातीचा सुगंध आणि अस्सल लोकभावना जिवंत करणारे एक प्रभावी माध्यम आहे. ‘छत्रपती शिवराय’ या कवितेपासून सुरू झालेला त्यांचा साहित्यिक प्रवास ‘महाराष्ट्र भूषण माय मराठी’ आणि ‘आभाळमाया’ सारख्या दर्जेदार कृतींमधून कमालीचा बहरत गेला आहे. त्यांच्या कवितांमधील नादमाधुर्य, सखोल चिंतन आणि भावनिक जिव्हाळा वाचकाच्या थेट मनाला भिडतो.केवळ साहित्य निर्मिती न करता, मराठी भाषेला ‘अभिजात भाषेचा’ (Classical Language) दर्जा मिळवून देण्यासाठी त्यांनी केंद्रीय पातळीवर आणि थेट मा. पंतप्रधान नरेंद्र मोदी यांच्याकडे सातत्याने जो पाठपुरावा केला, तो अत्यंत वाखाणण्याजोगा आहे. त्यांच्या याच निष्ठेला ३ ऑक्टोबर २०२४ रोजी यश आले.एक सजग कवी, कसदार लेखक आणि परखड समीक्षक म्हणून संजयजींनी मराठी साहित्य विश्वात आपले एक स्वतंत्र आणि आदराचे स्थान निर्माण केले आहे. त्यांची लेखणी अशीच अविरत चालत राहो आणि त्यांच्याकडून मराठी साहित्याची उत्तरोत्तर सेवा घडत राहो, याच मनःपूर्वक शुभेच्छा!
गोपाळ धारपवार
मुख्य निरीक्षक अखिल भारतीय भोई समाज कल्याणकारी मंच कोकण विभाग महाराष्ट्र राज्य
मो.9833967950
