नाशिकरोड: ( प्रतिनिधी ) श्रीमती र.ज.चौहाण (बि.) गर्ल्स हायस्कूलमध्ये डॉ.सर्वपल्ली राधाकृष्णन यांचा जन्मदिवस ‘शिक्षक दिन’ म्हणून उत्साहात साजरा करण्यात आला. इयत्ता दहावीच्या विद्यार्थिनींनी अध्यापनाची व शिक्षिका होण्याची एक नवीन अनुभूती या प्रसंगी घेतली. पदाधिकारी, शिक्षक ते शिपाई या संपूर्ण शालेय कामकाजाची जबाबदारी अतिशय काटेकोरपणे त्यांनी पार पडली.
शाळेत पालक शिक्षक संघातर्फे शिक्षकांचा व विद्यार्थी शिक्षकांचा सन्मानपत्र व भेटवस्तू देऊन सत्कार करण्यात आला. यावेळी व्यासपीठावर संस्थेचे सेक्रेटरी राहुल मुळे, माजी मुख्याध्यापिका प्रज्ञा महाले, पालक शिक्षक संघाचे अध्यक्ष व शाळेचे प्रभारी मुख्याध्यापक हेमंत देशपांडे, पर्यवेक्षिका मंगला चाबुकस्वार, पालक शिक्षक संघाच्या उपाध्यक्षा पूनम गाडे, सचिव कामिनी पवार, सहसचिव सचिन साळुंखे व पदाधिकारी बनलेल्या विद्यार्थिनी शिक्षिका उपस्थित होत्या.‘आदर्श शिक्षक’ पुरस्कार प्राप्तशिक्षक राहुल मुळे. सुधीर फडके कैलास आरोटे गौरी काळे यांचा सत्कार यावेळी करण्यात आला. या प्रसंगी आजच्या दिवशी शिक्षकेची भूमिका पार पाडण्या-या विद्यार्थिनींनी व सदर विद्यार्थिनींचे पाठ निरीक्षण करणा-या शिक्षिकांनी आपले मनोगत व्यक्त केले
